✈️阿聯酋航空 Emirates • 一齊嚟感受2016年最佳全球航空公司嘅魅力啦！
- Windsor Channel - DS
- 2016年11月1日
- 讀畢需時 2 分鐘
其實小編係喺阿聯酋航空被評為全球航空公司之前就已經出咗機票架喇，係冇因為佢係全球最佳而坐，但又吾係最平喎。
咁其實揀坐阿聯酋航空就係因為佢係擁有最多空中巴士A380嘅航空公司，而A380又係全球最大嘅機型喎！咁小編又未坐過咁大架機，咁就一開始就下定決心要訂呢間公司喇！
一直都聽人講呢間航空公司好豪華，就算連經濟艙都係。小編坐完就諗，果啲人應該係講緊窗口同廁所採用咗少量嘅木設計（可以睇相）
入正道喇！
小編今次嘅去程係去英國倫敦會經杜拜轉機，好彩杜拜喺香港同倫敦中間，兩程機都係坐6-7個鐘左右，如果要小編一航過坐十幾個鐘頭機，一定會好吾舒服！
去到座位，就會見到預先放好嘅毛氈、枕頭、耳機仲有貼紙（你可以用貼紙貼喺座位到通知機組人員好吾好叫你食餐）
先講小編最中意嘅食！香港去杜拜，杜拜去倫敦都分別有兩餐😋正！而餐牌喺香港去杜拜果程仲有中文睇𠻹。但係，食咗咁多餐，好似都係魚或雞揀⋯⋯不過，份量都算足夠，除咗主茶之外，又有沙津、水果、甜品⋯⋯ 又會最隔一段時間送飲品，飲品咗除可樂仲有紅酒、啤酒嘅酒類係免費，但香濱就要畀錢喇！
如果吾飽，見到餐牌有寫喺非送餐時間可以叫杯麵！（不過夠飽冇叫）
娛樂方面：有好多套嘅戲啦，而且有啲係香港仲未上嘅都有，分類大約以「最新」、「電影公司」、「地區」來分，有啲我錯過咗嘅電影都係機上搵得返。另外，仲有音樂、電台𠻹（不過小編冇聽）
部電視除咗睇戲、聽歌之外，仲可以睇下飛機去到邊個位置。
仲有一樣好重要嘅，就係wifi 上網喇，機上wifi 叫「OnAir」。不過，免費嘅只得10MB，最多用兩個鐘，但係10MB咁少，吾洗10分鐘都用完😭😭😭～～～
起飛同降落方面：可能係因為好大架機，起飛同降落都好穩定，冇坐細機咁震。而且，隔音都做得非常好！
今次坐過阿聯酋航空，覺得雖然冇畀地勤升艙，但係都覺得服務一流，空姐長期保持笑容。
Comentários