大阪環球影城必食 · 超級大隻火雞脾🍗

如果你去到環球影城吾可以吾食「超級大隻火雞脾」呢個脾超多人買，仲要係侏羅紀園區限定！

小編當日係烈日當空嘅情況之下，排咗10分鐘先買到，買緊嘅時候見到會有啲「恐龍」走出來嚇人嘅，場面搞笑。但係就有啲小朋友被嚇到。

講返火雞脾先，小編記得之前都有食過火雞，但係未試過好似電影睇到啲嘢人食揸住大大隻脾係到食，差在未飲血姐～～

味道方面呢：吾係落咗好多調味，只有少少鹹味。肉質好滑，仲有肉汁𠻹。

注意：因為實在太大隻喇，邊行邊食嘅時候有啲狼狽，都係在定定係到食，同拎住紙巾啦！

#環球影城 #必食推介 #火雞脾