搜尋
澳門豪華酒店．澳門威尼斯人度假村 The Venetian Macao Resort Hotel
- Windsor Channel - DS
- 2016年5月17日
- 讀畢需時 2 分鐘
今日就要介紹氹仔路氹金光大道最先開嘅大型酒店，澳門威尼斯人度假村，揭幕係2007年，集合博彩娛樂、會展、酒店及表演、購物元素，所以叫得佢做渡假村吾係冇原因架！
係check in 果陣，以前接駁巴士仲係送去商場西面入口嘅時候，就真係要行好遠好遠check in，之後就要再行去好遠好遠嘅電梯大堂～～
不過最近接駁巴士一送就送到酒店大堂，再吾係商場喇，咁就方好多啦！
果個商場係叫做「大運河商店街」，係模仿威尼斯嘅運河而建，喺入邊仲可以坐貢多拉之旅 𠻹，不過就留係下個post 講啦！
不過，要注意呢間酒店行去泳池真係十分之遠呀😭😭我都行咗20分鐘先到❌❌
呢間酒店乜都大，商場大、賭場大，就連最基本嘅房間都好大，最基本就係小編今次住嘅皇家套房，你一行入房間就睇到佢嘅裝修極致奢華。
張床對住一個電視櫃，方便坐係床到睇電視，電視機下面仲有個夾萬，放啲貴重嘢。咁係張床嘅側邊可以清楚望哂成個大廳，呢間酒店有個好處就係有兩部電視機，壞處就係廳果部電視機係「大牛龜」
要大廳呢邊望返過張床果邊，見到係到行兩級落來嘅！咁係「大牛龜」電視櫃上面見到有咖啡、茶包等嘅沖劑；右上角都可以見到冷氣機收埋咗係入面
小編好幸福哋畀職員升級咗做皇家套房嘅園景房，係訂房果時都有發現到呢隻房係貴少少嘅～ 仲望到金沙城 另外三間酒店
到講廁所喇，其實一入房嘅右手邊就見到！連廁所道門都勁大呀！廁所右邊有企缸同浴缸，正中有兩個洗手盆，左邊門口行入去係馬統，左邊就係化妝枱。
Комментарии